من المسؤول و لماذا يكون هيثم قيراط كبش فداء!
بقلم الاستاذ المحامي احمد التونسي
بعيدا عن الإخلالات السابقة وعدم وجود groupe électrogène كيما ينص عليه كراس الشروط ونقص عدد الكاميرات والذي هوما بطبيعتهم كاميروات BNC مش متع Var .. وعدم وجود لقطة التسلل إلا من جهة واحدة وعدم وجودها من الجهة الأخرى..
اليوم وصلنا الى مرحلة تؤكد ان logiciel الذي يتم استخدامه في الـتسلل لا يقدم نتيجة صحيحة وحتى المقابلات السابقة اصبح مشكوك في نتائجها.. بل انه يعطي نتائج متناقضة في نفس اللقطة ..ويعطي فقط على كاميرا واحدة. وهو ما حصل البارحة في ملعب الطيب المهيري بصفاقس !!!
التسلل يتخدم بزوز أساليب الاولى triangulation والثانية tracking والعالم وصل مع genius لأسلوب تغطية لكامل الملعب ..
حسب المختصين الكاميرات ما تنجمش تكون ثابتة طيلة المقابلة في نفس الزاوية وأي مليمتر تتحرك فيه الكاميرا يعطي نتيجة غالطة في التسلل.. وثمة des logiciels يقراو الانحرافات ويصلحوها..
الجماعة عندنا يخدموا بتطبيق على قده ويعاونو بالذكاء الاصطناعي (ممنوع منعا باتا من الفيفا) وباقي ما يعطيش نتيجة صحيحة .. بش يقولو تطبيقة certifié FIFA لكن يا صديقي ما يجب ان تتوفر بقية الشروط التقنية(اللي موش متوفرة) بش تعطي نتيجة صحيحة، واللي صنع في الصين لكن البطولة غادي ماعندهاش ثقة في نتائجه وتخدم بوسائط الشركات العالمية الذين شاركوا في تونس وما ربحوش .
****
اللي صار البارح (ربي سبحانه) l’opérateur خدم اللقطة وعطاها للحكم والـlogiciel عطاهم الضوء الأخضر يعني لا وجود لتسلل (ثابت) .. مبعد عملو بحث على لمسة اليد يلقاو كاميرا ما تعطيش صورة واضحة ونقص في الزوايا…
حكم Var وصّل المعلومة اللي عطاهالو الجهاز لحكم الساحة وهنا انتهى دوره وهذا مثبت من تسجيلات الغرفة !!
بعد نهاية المبارة وصورة قناة الكاس عاودوا خدمو اللقطة.. التطبيقة متاعهم عطاتهم نتيجة مختلفة !!
هنا ثلاثة ملاحظات:
– الاولى: كيفاش تكون عندنا ثقة في logiciel ومعدات تعطي نتائج متضاربة وتتخدم بذكاء اصطناعي ممنوع من الفيفا.
– الثانية: كيفاش يخرج مشرف التحكيم وقبل ما يعرف المعطيات هذي وقبل ما يتداول مع الأعضاء اللي معاه ويقرر وحده عقوبة الحكم الوحيد في تونس ويمسحوا فيه خطأ متع تطبيقة موش مطابقة ؟
– الثالثة: أين كان المشرف عند وجود اخطاء كبيرة وحتى دون قرارات Var وهو التدخل الثاني له اللي يقرر فيه وحده عقوبة حكم بعد ضربة جزاء تقديرية في بنزرت في السنة الماضية .. ؟؟؟ واين الدولة من عبث هذا
